Shushu, Daudi

Daudi Shushu alizaliwa mwaka 1920, pale Ilangale Masanza, Wilaya ya Magu katika Mkoa wa Mwanza. Alikuwa wa tatu kuzaliwa katika familia ya watu watano. Kaka yake mkubwa, Zakayo Kabengwe Shushu, alikuwa mmoja kati ya wachungaji wa Kiafrika wa kwanza na mashuhuri wa African Inland Church Tanzania (AICT) tangu 1936 hadi 1992.

Wazazi wa Daudi Shushu hawakuwa Wakristo. Matokeo yake, walifadhaishwa sana wakati yeye alipompokea Yesu na walimpa shida nyingi mpaka alipohama nyumbani na kuchukua hifadhi katika nyumba ya Nangi (maana yake “Mwalimu au Mwinjilisti”) Paul Nyagwaswa, ambaye mtoto wake Methusellah Paul Nyagwaswa alikuja kuwa askofu wa pili wa AICT toka 1984 mpaka 1997.

Baada ya Rev. William L. Jester kuanzisha Aggrey Preparatory School (APS) mwaka 1934, Daudi Shushu alikuwa mmoja kati ya wanafunzi wa kwanza kujiunga na shule hiyo, ambako alijifunza kwa bidii kwa miaka minane, kufikia darasa la nane.

Mwaka 1942, Daudi Shushu alimwoa Anna Henry, muuguzi katika zahanati ya Katunguru, ambayo ilikuwa, wakati huo, ikiangaliwa na Africa Inland Mission (AIM). Ndoa yao ilibarikiwa na watoto wengi: Daisy Kabula, Mary-Louise Butogwa, Samuel, Deborah, Betty, Sporah, Ruth, Esther, na Phanuel. Wote walifuata mifano ya wazazi wao katika kumtumikia Kristo katika maisha yao.

Baada ya 1941, wakati Africa Inland Church iliamua kufungua tena APS na jina jipya na madhumuni kama Katunguru Christian Training Center, Daudi Shushu aliajiriwa kama mmoja wa walimu. Mwaka 1949, kanisa lilimpeleka Chuo cha Walimu Katoke huko Bukoba kwa mafunzo ya miaka mitatu. Kutoka 1952 mpaka 1953, alikuwa kwenye Chuo cha Kilimo Ukiriguru. Mwaka mmoja baadaye, mwaka 1954, alikuja kuwa mwalimu mkuu wa Kijima Shule ya Kati. Mwaka 1955, African Inland Church ilimfanya mkaguzi wa shule za AICT, cheo alichoshika hadi 1962, wakati alipochaguliwa katibu wa elimu wa AICT kujaza nafasi iliyoachwa wazi kufuatia kuondoka kwa Mchungaji Felton wa AIM.

Alikuwa miongoni mwa wajumbe wa kwanza wa bodi ya wadhamini wa AICT akiwa amechaguliwa na Synod yake mwaka 1961. Wakati serikali ya Tanzania ilipoanzisha Azimio la Arusha, ambalo lilipelekea shule zote kuwekwa chini ya utawala wake, Daudi Shushu aliajiriwa na Serikali kama Afisa Elimu wa Wilaya ya Maswa katika Mkoa wa Shinyanga.

Mwaka 1966, Daudi Shushu, Rev Merick Mitinje, na Askofu wa zamani Rev. Jeremiah Mulindajulya Kisula walialikwa kutembelea Ujerumani kuhudhuria mikusanyiko na mikutano iliyoandaliwa. Wakiwa huko, walihubiri na kuwasilisha taarifa muhimu kuhusu nini kilifikiwa na madhehebu mpaka wakati huo. Tukio hili lisilo la kawaida lilikuwa nafasi ya kwanza viongozi wa juu wa AICT waliweza kuwa nayo kuwatembelea kaka na dada zao ng’ambo na kuwaambia yote Mungu amekuwa akifanya katika kanisa lake nchini Tanzania.

Daudi Shushu alikuwa mtu wa dhamira na asiyesita kusali muda wote wakati wa majaribu, thabiti katika kazi zake lakini mtu ambaye pia aliwatia moyo wengine katika majukumu yao. Atawaambia wenzi wake, “Inatubidi tumpigie simu Bwana wetu wa mbinguni kwa sababu ana majibu kwa mahitaji na maombi yetu yote.”

Daudi Shushu alifariki mwaka 1971 katika hospitali ya Kolandoto, ambayo inaendeshwa na Africa Inland Church. Kwa miongo mingi, mjane wake Anna ambaye kwa furaha alihifadhi haiba ya mume wake na ya familia iliyojengeka katika misingi ya Neno la Mungu. Aliendelea kuzingatia mkesha wa maombi na katika mazungumzo aliwaambia watu, “Sala kamwe haishindwi.”

Joseph Gisayi

Vyanzo:

*Muhtasari wa Historia ya Kanisa la AICT *(Inland Publishers: 1977): 18, 24, 32, 35.

Anna Henry, mke wa Daudi Shushu, mahojiano na mtunzi, Juni 14, 2003, Makongoro, Mwanza, Tanzania.

Maandishi ya Mary Louise Butogwa Kaselelo, binti wa Shushu, yaliyotolewa kwa mtunzi Julai 2, 2003, Kitangili, Mwanza, Tanzania.

Makala hii, iliyowasilishwa Julai 2003, iliandikwa na Rev. Joseph N. Gisayi, 2003-2004 Project Luke Fellow. Makala ilipitiwa na kukubalika na askofu wa AICT Peter Kilula, David N. M. Nghosha, mwanahistoria wa Africa Inland Church Tanzania na Stephen Kapongo, mratibu wa Idara ya Misheni na Uinjilisti ya AICT.